Reklamim Biznes

Marketingu dixhital duhet tё aplikohet nё biznese tё sektorëve tё ndryshme pёr shkak tё vlerёs së saj tё lartё dhe pёrparësive nё krahasim me marketingun tradicional, kjo fushё e re sjellё pёrfitime nё ngritje dhe zhvillim, afёrsi me klientët, kosto mё tё ulёt dhe shumё benifite tjera.

Qëndrimet e qytetarëve mbi marketingun dixhital jane pozitive

Shumica e tyre kanё njohuri mbi marketingun dixhital. Ata ndihen tё kënaqur për faktin qё pa u munduar aspak mund tё informohen pёr produktet/shёrbimet qё ju interesojnё mё sё shumti nё Facebook, kuptohet nё rrjetin mё tё frekuentuar nё gjithё botёn, po ashtu vetёdija e tyre rreth benifiteve dhe rёndёsisё së marketingut dixhital ёshtё mjaftё e lartё.

Rrjetet sociale dhe interneti kanë një peshë shumë të lartë në promovimin dhe shitjen e produkteve. Kjo duke ia bërë më të lehtë biznesit kontaktin shitës-blerës, pagesën e produktit duke përdorur transaksione online si psh kartat e kreditit ose debitit si dhe duke marrë feedback nga klientët online.

Efektivitet në Reklamimin e Biznesit

Puna e menaxherëve dhe e shitësve kërkon më pak kohë dhe reduktohet në shitjen e produkteve duke qenë se klientët mund t’i porosisin nga celularët apo kompjuterat e tyre vetëm me një click.

Bizneset dhe kompanitë duhet të përdorin në mënyrë efektive edhe efiçente internetin për të krijuar strategji të përshtatshme për biznesin e tyre duke marrë si shpërblim të ardhura të larta me kosto sa më të ulëta.

T’i jepet më shumë rëndësi konsumatorit duke i ofruar cilësi dhe çmim të kënaqshëm për produktin për të cilin interesohet.

Menaxherët duhet të përqëndrohen në targetimin e klientëve dhe të krijojnë një marketing sa më të përshtatshëm. Kjo duke nxjerrë në pah avantazhet e produktit.

Përshtatja e çmimeve në balancim me atë çka ofrohet.

Marketingu përqëndrohet tek konsumatori

Çdo subjekt që merret me prodhimin e produkteve dhe shërbimeve për të qenë i suksesshëm asnjëherë nuk guxon të harrojë se:

• Në ekonominë dhe tregun e lirë konsumatori është mbret,
• Çdo herë duhet ta vëmë veten në lëkurën e konsumatorit,
• Duhet të kuptohen përfitimet e konsumatorit nga produkti apo shërbimi jonë,
• Duhet të shesim në bazë të nevojave dhe kërkesave të konsumatorëve. Dhe jo në bazë të nevojave tona karakteristikave të produktit dhe vetive të tij,
• Duke plotësuar nevojat e konsumatorit pikësynimi gjithmonë do të jetë plotësimi i knaqësisë të tij.

Kompanitë nuk konkurrojnë më, marketingu e bën këtë punë

Qëllimi i secilës kompani është krijimi i fitimit. Pra kompania pikën e të ardhurave e ka më të lartë se kostot. Por kjo pikë nuk do të thotë që të arrihet që në fillim. Ajo mund të jetë strategji e kompanisë që të hyjë në një treg të caktuar me fitim të ulët. Më pas në këtë mënyrë të depërtojë deri tek konsumatorët, atëherë të shohë hapa se si të vijë deri tek fitimi.