Mënyra Reklamimi
Do të shikojmë mënyra reklamimi të ndryshme dhe si t’i përdorni ato. Vitet e fundit ekonomia krahas zhvillimit të saj në mënyrën tradicionale ka filluar në masë të madhe të zhvillohet edhe online. Në këtë sferë reklamimi apo marketingu është jashtëzakonisht i rëndësishëm.
Në të shkuarën, kur kompanitë dëshironin të reklamonin produktet apo shërbimet e tyre, atë e bënin përmes kanaleve të marketingut tradicional si: TV, radio apo gazetat ditore. Deri vonë kjo, ka funksionuar mirë dhe ka qenë efikase, por e njëjta gjë s’mund të thuhet edhe për 10 vjeçarin e fundit. Kjo sepse zhvillimet e mëdha teknologjike që kanë ndodhur kanë ndryshuar mënyrën se si sot konsumatorët komunikojnë dhe bëjnë blerje në krahasim me vitet e mëhershme.
Kjo është arsyeja kryesore pse është i nevojshëm dhe duhet të planifikohet mirë marketingu digjital, për këta ka disa Mënyra Reklamimi.
Disa arsye të përdorimit të marketingut digjital janë:
- Kthimi i investimit i shpejtë;
- Më i lirë dhe më efektiv;
- Audiencë më e madhe dhe e targetuar;
- Menaxhim i lehtë dhe praktik;
- Përcjellja online dhe direkte e shitjes;
- Zgjatja e reklamës shumë e gjatë, etj.
Mënyrat e Reklamimit
Do të përmendim disa mënyra të reklamimit online.
1. Email Marketing
Marketingu me email është një mesazh marketingu komercial drejtuar nje grupi njerëzish duke përdorur email. Zakonisht përfshin emaile që kanë në përbërje, reklama, të reja mbi biznesin apo produktet tuaja. Kjo mënyrë krijon besnikëri dhe besueshmëri ndaj kompanisë tuaj.
2. Search Engine Optimization
Optimizimi për motorët të kërkimit ( Optimizimi i faqeve për motorët e kërkimit ) është një metodologji e strategjive, teknikave dhe taktikave që ndiqen për të rritur numrin e vizitorëve në një faqe web duke përfituar një renditje sa më të lartë të jetë e mundur në kërkimin e faqes nga motorët e kërkimit, duke përfshirë Google, Yahoo, Bing dhe të tjera.
SEO ndihmon në garantimin nëse një faqe është e aksesueshme nga motori i kërkimit dhe përmirëson ndryshimet që do i gjenden faqes nga vetë motori i kërkimit.
3. Search Engine Marketing
Marketingu në motorët e kërkimit (Search Engine Markting) shërben për të rritur shikueshmërinë e faqes tuaj web në rezultatet e motorëve të kërkimit. Motorët e kërkimit shfaqin rezultate të sponsorizuara ose organike (të pa sponsorizuara) bazuar në termin e kërkuar.
Marketingu në motorët e kërkimit përfshin të gjitha aksionet e reklamuesit për ta bërë një faqe më të dukshme për terma të caktuar.
4. Social Media Marketing
Marketingu i rrjeteve sociale i referohet procesit të gjenerimit të trafikut në faqet web ose i tërheqjes së vëmendjes. Kjo nëpërmjet faqeve të rrjeteve sociale. Programi i këtij lloji marketingu kryesisht synon të krijojë një përmbajtje që tërheq vëmendjen dhe nxit lexuesit. Kjo bën që ata ta shpërndajnë atë në rrjetin e tyre social.
5. Display Marketing
Display advertising është një lloj reklamimi që shfaqet në këto forma: tekst, logo, foto, animime, video, harta, etj. Përdoret për promovimin e produktit ose kompanisë tuaj. Avantazhi kryesor i tij është zgjedhja e audiencës sipas objektivave, sipas shtetit, gjinisë, moshës etj.
6. Content Marketing
Content Marketing është një lloj marketingu që përfshin krijimin dhe shpërndarjen e publikimeve për të fituar klientë. Ky informacion mund të jetë në formate të ndryshme si: lajme, video, letra, e-books, studime shkencore, pyetje dhe përgjigje etj.
