Digital Marketing
Digital marketing është një fushë e marketingut që përdor kanale dhe platforma digjitale për të promovuar produkte dhe shërbime me qëllimin për t’u lidhur me audiencën. Kjo përfshin përdorimin e internetit dhe teknologjisë digjitale për të krijuar dhe promovuar përmbajtjen e marketingut në një gamë të gjerë të kanaleve online.
Çfarë është Digital Marketing dhe pse është i rëndësishëm
Në botën akademike dhe mes profesionistëve, digital marketing quhet në shumë mënyra: marketing në internet, e-marketing, marketing modern. Dave Chaffey, autor i librit “Digital Marketing: Strategy, Implementation and Practice” dhe librave të tjerë më të shitur mbi këtë temë. Ai jep këtë përkufizim të thjeshtë: “Marketingu dixhital ju lejon të arrini objektivat e marketingut përmes përdorimit të teknologjisë dhe mediave sociale”. Si të bëhet konkretisht? Është e nevojshme të menaxhohet prania në internet e kompanisë përmes kanaleve të ndryshme në internet. D.m.th, faqeve të internetit, aplikacioneve celulare dhe mediave sociale. Gjithashtu të përdoren teknika të ndryshme të komunikimit në internet. Objektivi është përvetësimi i klientëve të rinj, ofrimi i shërbimeve më të mira për ata aktualë, zgjerimi dhe forcimi i marrëdhënieve.
Çfarë përfshin marketingu dixhital?
- Marketingu në mediat sociale
Përfshin promovimin dhe ndërtimin e prezencës së markës në platformat e mediave sociale si Facebook, Instagram, Twitter, LinkedIn, dhe shumë të tjera. Kjo përfshin postime organike, reklama të paguara, konkurse, dhe bashkëveprimin me audiencën nëpërmjet komenteve dhe mesazheve private.
2. Marketingu i contentit
Përfshin krijimin dhe ndarjen e përmbajtjes së cilësuar për të informuar, angazhuar, dhe bindur audiencën. Përfshin artikuj blogu, video, podcaste, dhe përmbajtje të tjera të përshtatshme për audiencën dhe kanalin e marketingut.
3. Email marketing
Përfshin dërgimin e emaileve të personalizuar dhe të cilësuara për të promovuar produktet dhe shërbimet. Kjo për të informuar për ofertat e reja, dhe për të mbajtur lidhjen me klientët ekzistues dhe potencialë.
4. Reklamat online
Reklama të paguara në motorët e kërkimit si Google Ads dhe reklamat në faqet e internetit dhe mediat sociale. Këto reklama mund të cilësohen dhe të përshtaten për të arritur audiencën dhe për të promovuar produktet dhe shërbimet.
5. Optimizimi për motorët e kërkimit (SEO)
Përfshin përdorimin e strategjive dhe taktikave për të përmirësuar pozicionin e një faqeje interneti. Kjo sjell rritjen e vizibilitetit dhe trafikun organik në motorët e kërkimit.
Megjithatë ju duhet një strategji marketingu dhe gjithashtu një plan marketingu. Ju mund të planifikoni se cilat mënyra të digital marketing duhet të përdorni dhe ku doni të arrini.
Por kjo nuk do t’ju mjaftojë asnjëherë për të arritur aty ku doni. Ju duhet të analizoni dhe masni të dhënat ku do të arrini të shikoni se ku jeni në atë që doni të arrini. Analizimi i të dhënave është i rëndësishëm dhe për arsye sepse në marketingun dixhital matja dhe analizimi i tyre është e lehtë. E vetmja gjë që do t’ju duhet është konsistencë dhe vendosmëri.
